ADDIO PULECENELLA!
|
|
| Mme canuscite? So’ Pulecenella, so’ ‘n’ombra janca e torno ‘mmiez’â folla. Mme voglio arricurdà d’ ‘e tiempe belle, ‘e quanno se faceva ‘o tira e molla p’avé ‘nu vaso ‘a quacche Palummella. |
Mi riconoscete? Sono Pulcinella, sono un’ombra bianca e torno tra la folla. Mi voglio ricordare dei tempi belli, di quando si faceva tira e molla per avere un bacio da qualche Colombina. |
| Pulecenè’, ma tu saje ca Napule s’è cagnata e ‘sta rrobba nun se fa cchiù? |
Pulcinella, ma tu sai che Napoli è cambiata e questa cosa non si fa più? |
| Mo sische e, lla pe lla, tiene ‘mbraccio tre piccerelle bell’e pronte a se fà vasà. |
Ora fischi e, subito, hai tra le braccia tre ragazze pronte a farsi baciare. |
| Mme voglio arricurdà ‘stu bellu mare, addó, cu Palummella, jévo a fà ‘ammore. Pe’ dint’a ll’onne, ‘e lluce d’ ‘e llampare, parevano matasse ‘e stelle d’oro, piscate, a cielo, ‘a mille marenare. |
Mi voglio ricordare questo bel mare, dove, con Colombina, andavo a far l’amore. Tra le onde, le luci delle lampare, sembravano matasse di stelle d’oro, pescate, in cielo, da mille marinai. |
| Pulecenè’, ma tu saje ca Napule s’è cagnata e ‘sta rrobba nun se fa cchiù? |
Pulcinella, ma tu sai che Napoli è cambiata e questa cosa non si fa più? |
| Mo invece, a mare, va sulo quacche contrabbandiere cu ‘o prublema ch’ha dda campà. |
Ora invece, per mare, va solo qualche contrabbandiere col problema che deve campare. |
| Vuje che dicite? Comme mme dispiace. ‘A gente d’ogge nun è cchiù felice. Napule bella, t’hanno miso ‘ncroce. Mo che ce faccio cca? Salute ‘amice. Io mme ne torno addó sto’ ‘nsanta pace. |
Voi che dite? Come mi dispiace. La gente d’oggi non è più felice. Napoli bella, ti hanno messo in croce. Mo che faccio qua? Salute amici. Io me ne ritorno dove sto in santa pace. |
| Oje luna, luna, lu’, te saluta Pulecenella, ‘ncopp’ ‘a Terra nun torna cchiù. |
Ho luna, luna, lù’, ti saluta Pulcinella, sulla Terra non torna più. |
| Oje luna, luna, lu’, ll’ombra janca ‘e Pulecenella, cu tte saglie p’ ‘o cielo blu. |
Ho luna, luna, lù’, l’ombra bianca di Pulcinella, con te sale nel cielo blu. |
Luigi Bifulco 
Agostino PalombaTra le interpretazioni di questa canzone, ricordiamo quella di Tony Astarita.
| << Addio felicità | Addio, Carmè! >> |