CHITARRATA D’AMMORE
|
|
| Nannina tene ‘o core ‘nfus’ô ffèle, nun fa ‘na cosa si nun mme fa male. Pure cu chesto ‘a voglio bene assaje ca nun mm’ ‘a putarraggio maje scurdá.Ah – ah. Ah – ah. |
Annina ha il cuore immerso nel fiele, non fa una cosa se non mi fa male. Nonostante questo le voglio tanto bene che non me la potrò mai dimenticare.Ah – ah. Ah – ah. |
| ‘A cunuscette dinto primmavera, quanno ‘o sole è lucente comm’a ll’oro e, comm’a ll’oro, dint’a ll’uocchie tene ‘na luce ca te struje e te po’ cecá.Ah – ah. Ah – ah. |
La conobbi in primavera, quando il sole è splendente come l’oro e, come l’oro, negli occhi ha una luce che ti distrugge e ti può accecare.Ah – ah. Ah – ah. |
| Si mm’ha dda dá ‘nu vaso sulamente, mm’ ‘o dá cu ‘nu mussillo amaro e astrinto ca mme turmenta e nun mme sazia maje e ‘e desiderio mme fa spantecá’.Ah – ah. Ah – ah. |
Se mi deve dare soltanto un bacio, me lo dà con una boccuccia amara e stretta che mi tormenta e non mi sazia mai e di desiderio mi fa penare.Ah – ah. Ah – ah. |
| Si mm’ha da dá ‘nu vaso sulamente, mm’ ‘o dà cu ‘nu mussillo amaro e astrinto ca mme turmenta e nun mme sazia maje e ‘e desiderio mme fa spantecá.Ah – ah. Ah – ah. |
Se mi deve dare un bacio soltanto me lo dà con la bocca amara e stretta che mi tormenta e non mi sazia mai e di desiderio mi fa impazzire.Ah – ah. Ah – ah. |
| Tene ‘e capille nire e anèlle anèlle, ‘na faccia delicata ‘e madunnella, ll’uocchie curvine e ‘na vocca ‘e curallo ca ‘n’ata eguale nun se po’ truvá.Ah – ah. Ah – ah. |
Ha i capelli neri e ricci, una faccia delicata da madonnina, gli occhi corvini e una bocca di corallo che un’altra uguale si può trovare.Ah – ah. Ah – ah. |
| Capisco quanno dice ‘na bugía e quanno, pe dispietto, è ‘nfama assaje, ma è tanta ‘a frenesia ‘e vulerle bene ca si mm’accide, bene mme farrá.Ah – ah. Ah – ah. |
Capisco quando dice una bugia e quando, per dispetto, e molto cattiva, ma è tanta la voglia di volerle bene che si mi uccide, bene mi farà.Ah – ah. Ah – ah. |
| Comme te dá ‘na gioja, te dá ‘na pena e sape vulé male e vulé bene. Ma si doce te guarda e t’accarezza, te dá ‘o calore d’ ‘a felicitá.Ah – ah. Ah – ah. |
Come ti dà una gioia, ti dà una pena e sa voler male e voler bene. Ma se dolcemente ti guarda e ti accarezza, ti dà il calore della felicità.Ah – ah. Ah – ah. |
| Si sulo mm’ha da dí ca mme vo’ bene, primma mm’ ‘o ddice e doppo mm’avvelena cu ‘nu dispietto o pure ‘nu capriccio ca ‘o core mme fa chiagnere e pená.Ah – ah. Ah – ah. |
Se solo mi deve dire che mi vuole bene, prima me lo dice e poi mi avvelena con un dispetto o anche con un capriccio che il cuore mi fa piangere e penare.Ah – ah. Ah – ah. |
| E’ tanto capricciosa ca ‘nu sciore, ê vvote ‘a fa felice e pe ‘nu mare ‘e bene e de ricchezze è indifferente e ‘o core te fa strujere e ‘mpazzí.Ah – ah. Ah – ah. |
E’ tanto capricciosa che un fiore, a volte la fa felice e per un mare di bene e di ricchezze è indifferente e il cuore ti fa distruggere e impazzire.Ah – ah. Ah – ah. |
| Ma quanno ‘a tengo stretta ‘int’a ‘sti bbracce e ca mme vasa e mm’accarezza ‘a faccia, nun ce stanno puntiglie e né capricce che ‘a dint’ô core mm’ ‘a pònno levá.Ah – ah. Ah – ah. |
Ma quando la stringo tra queste braccia e che mi bacia e mi accarezza la faccia, non ci sono puntigli e né capricci che dal cuore me la possono togliere.Ah – ah. Ah – ah. |
Peppino De Filippo 
1966| << Chitarra rossa | Chitarrella, chitarrè >> |